بەپێی نوسراوێكی دادگای لێكۆڵینەوەی سلێمانی فەرمانی دەستگیركردن بۆ سامان گەرمیانی دەرچووە و ناوبراو ووردەكاری داواكە بۆ "سپی" دەخاتەڕوو.
سامان گەرمیانی، ئەندامی سەركردایەتی یەكێتی و بەرپرسی مەڵبەندی گەرمیان لە لێدوانێكی تایبەتدا بۆ "سپی میدیا" ڕایگەیاند "سەبارەت بەو دۆسیەیە ئەمڕۆ چومەتە دادگا و هیچ بەڵگەیەك نەبووە بۆیە دۆسیەكە داخراوە".
ئەو وتانەی ناوبراو دوای ئەوەدێت بەپێی نوسراوێك دادوەری لێكۆڵینەوەی سلیمانی بەتۆمەتی هەڕەشەكردن لە كەسێك، فەرمانی دەستگیركردنی بۆ سامان گەرمیانی ئەندامی سەركردایەتی یەكێتی و بەرپرسی مەڵبەندی گەرمیان دەركرد.
سكاڵاكە لە دژی ناوبراو لە بنكەی پۆلیسی بەختیاری لە سلێمانی جوڵاوە، بەپێی مادەی ٤٣٠ لە یاسای سزادانی عێراقی فەرمانی دەستگیركردنەكە لەلایەن دادوەرەوە دەرچوە.