كۆبوونەوەی ئەنجوومەنی سەركردایەتی یەكێتیی نیشتمانیی كوردستان، بۆ یەكلایكردنەوەی كاندیدەكانی لە كابینەی نوێ حكومەتی هەرێم دەستیپێكرد.
ئەم كۆبوونەوەیەی یەكێتی تایبەتە بە دیاریكردنی كاندیدەكانی بۆ پۆستی سەرۆكی پەڕلەمان و جێگری سەرۆك وەزیران و وەزیر و دەستەكانی بەركەوتەی ئەو حزبە لەكابینەی نوێی حكومەتی هەرێمی كوردستان.
هاوکات، بەپێی رێککەوتنی لایەنەکان پێویستە سبەی یەکشەممە کاندیدی سەرجەم لایەنەکان پێشکەشی راسپێردراوی حکومەت بۆ پێکهێنانی کابینەی نۆیەم بکرێت.