بۆ هاوسەران ئەو خواردنانە چین توانای سێکسی پیاوان بە شێوەیەکی گشتی زیاد دەکەن


پسپۆران کرداری سێکسی لەپیاوان بۆ سێ بابەتی سەرەکی دەگێڕنەوە؛ رەپبوونی چووک، ئارەزووی سێکسکردن و،  درێژیی ماوەی رەپبوونی چووک.

ئەو خۆراکانەی کرداری سێکسی بەهێز دەکەن بەسەر ئەم سێ بەشەدا دابەشدەبن:

1- ئەو خۆراکانەی رەپبوونی چووک بەهێزدەکەن:

هەر خۆراکێک سووڕی خوێن چالاک بکات، رەپبوونی چووک بەهێزدەکات، چونکە تاوەکوو خوێن باشتر بۆ چووک بڕوات، بەهێزتر رەپدەبێت و هەر گرفتێک لە سووڕی خوێندا، کار لە رەپبوونی چووک دەکات بە پلەی جیاواز.

کۆمەڵەی پسپۆری ئەمەریکی ئەم خۆراکانە پێشنیازدەکەن بۆ چالاکبونی سووڕی خوێن:

- بڕێکی زۆر لە سەوزە و میوە.
-دانەوێلەکان و سەرچاوەکانی دیکەی ریشاڵە خۆراکییەکان.
-چەورییە تەندروستانەکان، وەکوو رۆنی زەیتوون و رۆنماسی.
-خۆراکە دەریاییەکان، چەرەس و پاقلەمەنییەکان

٢- ئەو خۆراکانەی ئارەزووی سێکس زیاددەکەن:

سەدەفی دەریا بەهۆی هەبوونی ماددەی زینکە تێیدا.
سەرچاوەکانی دیکەی زینک بریتین لە؛ ناووکە کوولەکە، کونجی، گۆشتی سوور و خواردنە دەریاییەکانی دیکەی وەکوو رۆبیان.
ئارەزووی سێکس بە هۆکاری دیکەی ناخۆراکیش کاری لێدەکرێ، وەکوو؛ باری دەروونی، چونکە تاوەکوو گوشاری دەروونی زیاتر بێ، ئارەزووی سێکس کەمدەکات.

٣- ئەو خۆراکانەی ماوەی رەپبوون درێژدەکەن:

توێژینەوە دەریخستووە ماددەگەلی فڵاڤۆنۆیدی کە بە زۆری لە میوەکاندا هەن، ئەگەری تووشبوون بە گرفتی زوو خاوبوونەوەی چووک بە راددەی 14% کەمدەکەنەوە.
سەرچاوە گرنگەکانی فڵاڤۆنۆید بریتین لە:توودڕک (تووڕک) و هاوپۆلەکانی، میوە مزرەکان، مێوژ، سێو، بیبەری تیژ (توون)، کاکاو، چا.



ئه‌م بابه‌ته ‌19168 جار خوێنراوه‌ته‌وه‌‌

PM:10:57:10/09/2019