ئەردۆغان: رێگە نادەین رێککەوتنی ناوچەی ئارام وەک رێککەوتنی منبجی لێبێت
سهرۆك كۆماری توركیا ڕەخنە له ئهمەریكا دەگرێت له بارهی ناوچهی ئارام و دەڵێت، ئهوانهی له منبج و رۆژههڵاتی فوراتن، نوێنهرایهتی كورد ناكهن.
له چاوپێکەوتنێکدا لەگەڵ ئاژانسی رۆیتەرز، رهجهب تهیب ئهردۆغان، سهرۆك كۆماری توركیا رایگەیاندووە "ناكرێت ئهمەریكا زیان له هاوپهیمانهكهی بدات له بارهی ناوچهی ئارام. ئهوانهی له منبج و رۆژههڵاتی فوراتن، نوێنهرایهتی كورد ناكهن".
ئەردۆغان ئاماژەی بەوەداوە، رێگە نادەن رێککەوتنی ناوچەی ئارام وەک رێککەوتنی منبجی لێبێت و وتیشی، ئارامیان لەبارەی جێبەجێکردنی رێککەوتنی ناوچەی ئارام لەلایەن ئەمەریکاوە کۆتایی هەیە و بۆ دروستکردنی رێڕەوێکی ئاشتی هەر شتێک پێویست بێت دەیکەن.
ئەمەریکا و تورکیا لەبارەی ناوچەی ئارام رێککەوتن و، چەند گەڕێکی هاوبەشی ئاسمانی و زەمینیشیان لە ناوچەکە ئەنجام داوە.
AM:09:08:14/09/2019