كۆمپانیای وشە ڕاگەیەندراوێکی لەبارەی میدیاکانی گۆڕان بڵاوکردەوە

كۆمپانیای وشە ڕاگەیەندراوێکی لەبارەی میدیاکانی گۆڕان بڵاوکردەوە و ڕایگەیاندووە "كۆمپانیای وشە لە پێناو رێكخستنەوەی بەشی میدیایی و ئۆرگانەكانی، پەخشی كەناڵی كەی ئێن ئێن دەوەستێنێت. ئەم بڕیارەش لە پێناو نوێبونەوە و خۆگونجاندنە لەگەڵ دنیای نوێی میدیا".

لە ڕاگەیەندراوەکەی کۆمپانیای وشە کە وێنەیەکی بۆ سپی نێردراوە هاتووە "میدیا كاغەز و دیجیتاڵییەكانمان بەردەوام دەبن كە تا ئێستا بریتین لەمانە: رۆژنامەی زەمەن، گۆڤاری پەیسەر، ماڵپەرەكانی: زەمەن پرێس ، كەی ئێن ئێن سی ، سبەی و پەیسەر".

 
دەقی ڕاگەیەندراوەکە:

روونكردنەوەیەك لە كۆمپانیای وشە لە بارەی رێكخستنەوەی میدیاكانی

كۆمپانیای وشە لە پێناو رێكخستنەوەی بەشی میدیایی و ئۆرگانەكانی، پەخشی كەناڵی كەی ئێن ئێن دەوەستێنێت. ئەم بڕیارەش لە پێناو نوێبونەوە و خۆگونجاندنە لەگەڵ دنیای نوێی میدیا و كاریگەرییەكانی. لە هەمانكاتدا میدیا كاغەز و دیجیتاڵییەكانمان بەردەوام دەبن كە تا ئێستا بریتین لەمانە:
- رۆژنامەی زەمەن
- گۆڤاری پەیسەر
ماڵپەرەكانی: زەمەن پرێس ، كەی ئێن ئێن سی ، سبەی و پەیسەر.

كۆمپانیای وشە لە بەرنامەیدایە فراوانتر و كاریگەرتر كارەكانی رێكبخاتەوە و لە ئاستی چاوەڕوانییەكان بێت و ماندوبونی ستاف و كارمەندان و پاڵپشتیكەرانی لە بیرناكات.


فازڵ نەجیب
بەڕێوەبەری جێبەجێكاری كۆمپانیای وشە
٢٦ ی سێپتەمبەری ٢٠١٩



ئه‌م بابه‌ته ‌2736 جار خوێنراوه‌ته‌وه‌‌

PM:01:34:27/09/2019