وەزیری بەرگری ئێران: سڕینەوەی ئیسڕائیل لەسەر نەخشە خەون نیە ئامانجە

‌
وەزیری بەرگری ئێران رایگەیاند، سڕینەوەی ئیسرائیل لەسەر نەخشەی جیهان چیتر خەون نیە، بەڵکو ئامانجی دوەمی شۆڕشی ئیسلامییە و جێبەجێیدەکەن، دەشڵێت "ستراتیژی زۆرترین فشار لەلایەن ئەمریکاوە گۆڕاوە بۆ سیاسەتی زۆرترین سکاڵا بۆ دەستپێکردنی گفتوگۆکان لەگەڵ وڵاتەکەی دا".

ئاژانسی تەسنیمی ئێرانی بڵاویکردەوە ئەمڕۆ دوشەممە ژەنەراڵ ئەمیر حاتەمی وەزیری بەرگری ئێران رایگەیاندوە، سڕینەوەی ئیسرائیل لەسەر نەخشەی جیهان چیتر خەون نیە، بەڵکو ئامانجی دوەمی شۆڕشی ئیسلامییە و جێبەجێیدەکەن.

لەبارەی سزا سەپێنراوەکانی ئەمریکا بۆسەر وڵاتەکەی، وەزیری بەرگری ئێران رایگەیاند، ستراتیژی زۆرترین فشار لەلایەن ئەمریکاوە گۆڕاوە بۆ سیاسەتی " زۆرترین سکاڵا " بۆ دەستپێکردنی گفتوگۆکان لەگەڵ وڵاتەکەی دا و وتی ئەوان زۆر گرنگی بەسزاکانی ئەمریکاوە، لەبەرئەوەی ئەمریکا ئەگەر بتوانێت سزاش دەخاتە سەر ئاو ئۆکسجینی ئێرانییەکان.

لەبارەی توانای بەرگری وڵاتەکەی، حاتەمی راشیگەیاند، ئەوان بەخستنەخوارەوەی فڕۆکەیەکی بێفڕۆکەوانی ئەمریکا ئەو پەیامەیان داوەتە ئەمریکا کە نەتوانێت هیچ هەنگاوێک دژی ئێران بنێت.
 


PM:06:50:30/09/2019








ئەستێرەکان

Spee Media