قوباد تاڵەبانی نیگەرانە لە کارەکانی حکومەت و ئاماژە بۆ دەستلەکارکێشانەوە دەکات
قوباد تاڵەبانی، جێگری سەرۆکی حکومەتی هەرێم نیگەرانە لە کارەکانی حکومەت و پێگەی خۆی لەناو ئەم کابینەیەدا و ئەو دەسەڵاتانەی کە پێیدراوە و، ئاماژە بۆ دەستلەکارکێشانەوە دەکات.
بە پێی ئەو زانیاریانەی دەست ماڵپەڕی "سپی" کەوتووە، قوباد تاڵەبانی بەشێوەیەکی گشتی نیگەرانە لە کاروبارەکانی حکومەت و ئەو دەسەڵاتانەی پێدراوەو، ئەگەر کار وابڕوات ئەگەری دەستلەکار کێشانەوەی هەیە.
شەوی ڕابردوو قوباد تاڵەبانی لەتۆڕی کۆمەڵایەتی تویتەر لە پۆستێکدا نووسیویەتی" ساڵێکی رێک بەر لەئێستا، جەماوەرو كادیرانی یەكێتی دڵسۆزانە لیستی یەكێتی و لیستی مام ـ یان سەرخست. سوپاس بۆ متمانەتان كە بە ١٨٢ هەزار دەنگ بەندەتان كردە یەكەمی ھەڵبژاردنەکەی ٣٠ ئەیلولی ٢٠١٨، لەھەرکوێیەک بم، لەحكومەتدا یان لە دەرەوەی، خزمەتکردنی ئێوە بەئەركی سەر شانی خۆم دەزانم".
بەپێی زانیارییەکانی "سپی" ئەو پۆستەی قوباد تاڵەبانی کردوویەتی، بەتایبەتی ئەو بڕگەی دەڵێت" لە حکومەتدا یان لەدەرەوەی خزمەتکردنی ئێوە بە ئەرکی سەرشانی خۆم دەزانم"، ئاماژەیە بۆ نیگەرانێکانی ناوبراو بەرامبەر ئەم کابینەی ئێستا و کارەکانی.
ئه‌م بابه‌ته 3666
جار خوێنراوه‌ته‌وه
AM:10:33:01/10/2019