شاندێکی پەرلەمانی کوردستان لەگەڵ سەرۆکی پەرلەمانی کۆریای باشوور کۆبوونەوە

‌


جێگری سەرۆکی پەرلەمانی کوردستان ڕایگەیاند" کۆبوونەوەیەکی گرنگمان هەبوو لەگەل مون ئی سانگ سەرۆکی پەرلەمانی کۆریا و ژمارەیەک لە پەرلەمانتارانی کۆریا کۆبووینەوە و چەند پرسێکی یاسایی و ئابووریمان تاوتوێکرد". 

هێمن هەورامی، جێگری سەرۆکی پەرلەمانی کوردستان، لە هەژماری تایبەتی خۆی لە تۆڕی کۆمەڵایەتی "فەیسبووک" لەبارەی کۆبوونەوەکانی شاندەکەی پەرلەمانی کوردستان لە کۆریا نووسیویەتی: لە دانیشتنەکەدا وێڕای سوپاسگوزاریمان بۆ میوانداری و بانگهێشتی فەرمی، کورتەیەکمان لەسەر دۆخی هەریمی کوردستان و کار و ئەرکی پەرلەمانی کوردستان خستەڕوو. 

جێگری سەرۆکی پەرلەمانی کوردستان ئەوەشی خستەڕوو: کە داوامان لە لەپەرلەمانی کۆریا کرد زیاتر هانی حکومەتی ولاتەکەی بدات بۆ قوڵترکردنەوەی پەیوەندییەکانی لەگەل کوردستان و سەرمایەگوزاری کۆمپانیاکانی کۆریا لە هەرێمی کوردستان.

 یەکەمجارە شاندێکی پەرلەمانی کوردستان بە بانگهێشتی فەرمی سەردانی کۆریای باشوور دەکات. 

لە دوای رووخانی رژێمی بەعس لە عێراق، حکوومەتی کۆریای باشوور بە دروستکردنی نەخۆشخانە، قوتابخانە و شوێنی خزمەتگوزاری گشتی هاوکاری هەرێمی کوردستانی کردووە و تاکو ئێستاش هەماهەنگی نێوان هەردوولا بە پتەویی ماوەتەوە.
 


PM:12:29:02/10/2019








ئەستێرەکان

Spee Media