وەزیرى دەرەوەى ڕوسیا داوای گفتوگۆی کورد و ئەنقەرە و دیمەشق دەکات



ئەمڕۆ چوارشەممە ٩ی تشرینی یەکەم لە کۆنگرەیەکی ڕۆژنامەوانیدا وەزیری دەرەوەی ڕووسیا ڕایگەیاند" چارەسەرى کێشەى قەیرانى ڕۆژهەڵاتی سوریا و باکوور لەڕێگەى گفتوگۆى ئەنقەرە و دیمشق و کوردەوە چارەسەر بکرێت".

سێرگى لاڤرۆڤ، وەزیرى دەرەوەى ڕوسیا لە کۆنگرە ڕۆژنامەوانییەکەدا دەڵێت" پێشتر ڕوسیا لەبارەى ئەگەرى هێرشى تورکیا بۆ سەر باکور و ڕۆژهەڵاتى سوریا جەختیکردبووەوە لەسەر پێویستى پابەندبوونى تورکیا بە یەکپارچەیی خاکى سوریاوە، هەڵوێستى ئێمە ئەوەیە چارەسەرى کێشەى قەیرانى سوریا لەڕێگەى گفتوگۆوە بێت".

بڕیارەکەى دۆناڵد ترەمپ بۆ کشانەوەى هێزەکانى ئەمریکا لەسوریا کاردانەوەى زۆرى بەدواى خۆیدا هێناوە، هەرچەندە ترەمپ دواتر ڕایگەیاند کە کوردەکان جێناهێڵن. 
 


ئه‌م بابه‌ته ‌242 جار خوێنراوه‌ته‌وه‌‌

PM:02:03:09/10/2019