سووپای تورکیاو هێزە ئیسلامییەکان چەند گوندێکی سەرسنوریان لە سەری کانێ کۆنترۆڵکردووە

وتەبێژی هێزەکانی سووریای دیموکرات، مستەفا  بالی ئاماژەی بۆ ئەوە کرد کە هێزەکانی تورکیاو هێزە ئیسلامییەکان چوونەتە ناو چەند گوندێکی رۆژهەلآت و رۆژئاوای سەری کانێ، بەلآم شەڕ تا ئێستا لەناوگوندەکاندا هەیە.

 

مستەفا بالی بە تەلەفزیۆنی " ئەلعەربیە حەدسی " راگەیاند" ئەم شەڕە جیاوازە لە شەڕی عفرین، هەروەها ئاسان نابێت بۆ سووپای تورکیاو هێزە ئیسلامە ئیخوانییەکانی هاویەیمانی تورکیا کە شارەکانی سەری کانێ و گرێ سپی داگیربکات".

 

وتەبێژەکەی هەسەدە جەختی لەسەر ئەوە کردەوە کە ئاسان نابێت بۆ تورکیا و هێزە ئیسلامییە ئیخوانییەکان شاری سەری کانێ و گرێ سپی بگیرێت و، دەڵێت" هەسەدە خبرەی هەیەو، مانۆری هەیەو چەند ساڵە شەڕ دەکات و دەزانێت چی دەکات و پلانی چییە".

 

ئەوە لە کاتكێکدایە کە هەندێ ناوەندی هەواڵی تورکیا ئاماژە بۆ ئەوە دەکەن کە شەڕی نزیکبۆتەوە لە ناوچەی پیشەسازی سەری کانێ. تا ئێستا هەسەدە لەو بارەیەوە هیچی رانەگەیاندووە.



ئه‌م بابه‌ته ‌798 جار خوێنراوه‌ته‌وه‌‌

PM:08:26:10/10/2019