وەزارەتی دەرەوەی ئەمریکا: سزای تورکیا دەدەین

‌

شەوی ڕابردوو ١٤ی تشرینی یەکەمی ٢٠١٩ وەزارەتی دەرەوەی ئەمریکا ڕاگەیەندراوێکی لە دژی تورکیا بڵاوکردەوە و ڕایگەیاند" دۆناڵد ترەمپ داوا لە تورکیا دەکات کە ھێرشە سەربازییەکەی بۆسەر سووریا ڕاگرێت و دەستبەجێ ئاگربەست راگەیەنێت". 

لە بەشێکی دیکەی راگەیەندراوەکەی وەزارەتی دەرەوەی ئەمریکادا هاتووە و دەڵێت" ئەمریکا بڕیاری داوە کە وەزارەتی گەنجینە و دەرەوەی ئەمریکا کە سزا بسەپێنن بەسەر کەس و لایەن و کۆمپانیایانەی کە تێوەگلاون بەوەی خەڵکی سیڤڵ و بێتاوانیان ڕووبەڕووی ترس و تۆقاندن کردۆتەوە و بوونەتە ھۆکاریتێکدانی ئاشتی و ئارامی و پشێوی لەباکووری خۆرھەڵاتی سوریا".

هاوکات وەزارەتی دەرەوەی ئەمریکاجەختیشیکردەوە:  سێ بەرپرسی تورکی گەورە و وەزیری بەرگری و وەزیری وزەی تورکیا دەکەونە بەر ئەو سزادانە. 

دەشڵێت:  ئەگەر ئۆپەراسیۆنی تورکیا بەردەوام بێت کێشەکان قوڵترو گەشەسەندووتر دەبن و قەیرانە مرۆییەکان قورستر دەکات لەگەڵ ئەگەری کارەساتی بێچارەسەر. 

ئەمەش دەقی ڕاگەیەندراوەکەی وەزارەتی دەرەوەی ئەمریکا

لە سەرەتای بەیاننامەکەی وەزارەتی دەرەوەدا ھاتووە: ڕۆژی ھەینی، ویلایەتە یەکگرتووەکانی ئاماژەی بەوەدا مەبەستێتی کە رێوشوێنی پێویستی ھەبێت بەرامبەر ئەو ھێرشە تاکلایەنانەی کە تورکیا پێی ھەستا لە باکوری سوریا. بۆیە ئێستا سەرۆک دۆناڵد ترەمپ بڕیارەکەی خستە بواری جێبەجێکردنەوە تا ھێرشە سەربازییەکەی ڕاگرێت و دەستبەجێ ئاگربەست راگەیەنێت. ھەروەھا لە بەیانەکەدا ھاتووە کە بڕیارە دەسەڵاتی داوە بە وەزارەتی گەنجینە و دەرەوەی ئەمریکا کە سزا بسەپێنن بەسەر کەس و لایەن و کۆمپانیایانەی کە تێوەگلاون بەوەی خەڵکی سیڤڵ و بێتاوانیان ڕووبەڕووی ترس و تۆقاندن کردۆتەوە و بوونەتە ھۆکاریتێکدانی ئاشتی و ئارامی و پشێوی لەباکوری خۆرھەڵاتی سوریا. 

بەیاننامەکە جەخت لەوە دەکاتەوە سێ بەرپرسی تورکی گەورە و وەزیری بەرگری و وەزیری وزەی تورکیا دەکەونە بەر ئەو سزادانە.

باس لەوەش دەکات کردەکانی تورکیا بووەتە ھۆی لەقکردنی شوێنی داعشە دیلەکان و ترس خستنە ناو دڵی خەڵکی سڤێل و پشێوی ترسی تەواو بۆ ناوچەکە. 

دەشڵێت؛ ئەگەر ئەگەر ئۆپەراسیۆنی تورکیا بەردەوام بێت کێشەکان قوڵترو گەشەسەندووتر دەبن و قەیرانە مرۆییەکان قورستر دەکات لەگەڵ ئەگەری کارەساتی بێچارەسەر. 

لەکۆتایدا ھاتووە کە بۆئەوەی لە جێبەجێکردنی ئەو سزایانە دوورکەوینەوە پێویستە لەسەر تورکیا دەستبەجێ ھێرشە تاکلایەنەکەی ڕاگرێت و بگەڕێتەوە بۆ دانوستان لەگەڵ ویلایەتە یەکگرتوەکانی ئەمریکا بۆ چارەسەری کێشەی ئاسایشی ناوچەکە. 
 


AM:10:22:15/10/2019








ئەستێرەکان

Spee Media