پێش کۆبوونەوەی لەگەڵ ئۆردوغان، روسیا هەڵوێستی لەسەر لەشکرکێشی تورکیا گۆڕا

بڕیارە ٢٢ ی ئەم مانگە پۆتین و ئۆردوغان کۆبوونەوە، ئەمڕۆ بە پێچەوانەی هەڵوێستەکانی پێشوویانەوە، کۆشکی کرملین رایگەیاند" رووداوه‌كانی‌ باكووری‌ رۆژهه‌ڵاتی‌ سوریا ره‌نگه‌ زیان به‌ پرۆژه‌ی‌ چاره‌سه‌ری‌ سیاسی‌ ئه‌و وڵاته‌ بگه‌یه‌نێت".


دمیتری‌ بیسكۆف وته‌بێژی‌ كۆشكی‌ سه‌رۆكایه‌تی‌ روسیا "كرملین" ئەمڕۆ یەک شەممە له‌ میانی‌ به‌رنامه‌یه‌كی‌ ته‌له‌فزیۆنیدا رایگەیاند" گۆڕانكارییه‌كانی‌ ئه‌م دواییه‌ی‌ باكووری‌ رۆژهه‌ڵاتی‌ سوریا نیگه‌رانی‌ زۆری‌ لای‌ كرملین دروست كردووه‌".


هەروەها وتیشی‌: "له‌شكركێشییه‌كه‌ی‌ توركیا بۆ باكووری‌ رۆژهه‌ڵاتی‌ سوریا ره‌نگه‌ زیان به‌ چاره‌سه‌ری‌ سیاسی‌ بگه‌یه‌نێت".
بڕیارە رۆژی ٢٢ ی تشرینی یەکەم لە شاری سوورچی   ئۆ‌ردۆغان سه‌رۆك توركیا و  ڤلادیمیر پوتن سه‌رۆكی‌ روسیا به‌مه‌به‌ستی‌ وتووێژكردن ده‌رباره‌ی‌ دروستكردنی‌ "ناوچه‌ی‌ ئارام" له‌سوریا کۆببنەوە.


له‌ 9ی‌ ئۆكتۆبه‌ردا سوپای‌ توركیا و میلیشیا چه‌كداره‌كانی‌ هێرشیان بۆ سه‌ر باكووری‌ رۆژهه‌ڵاتی‌ سوریا ده‌ستپێكرد و به‌هۆیه‌وه‌ سه‌دان هاوڵاتی‌ شه‌هید و برینداربوون و زیاتر له‌ 300 هه‌زار كه‌سیش ئاواره‌ بوون.
 


ئه‌م بابه‌ته ‌3566 جار خوێنراوه‌ته‌وه‌‌

PM:03:41:20/10/2019