بەڕێوەبەرایەتی خۆسەر: تورکیا چەکی قەدەغەکراوی بەکارهێناوە
دەستەی تەندروستی بەڕێوەبەرایەتی خۆسەر رایگەیاند، لەمیانی هێرشەکانیدا سوپای تورکیا چەکی قەدەغەکراوی لە رۆژئاڤای کوردستان بەکارهێناوە.
دەستەی تەندروستی بەڕێوەبەرایەتی خۆسەر ئەمڕۆ کۆنگرەیەکی رۆژنامەوانی ئەنجامدا و رایگەیاند، لە هێرشەکانیدا تورکیا چەکی فسفۆڕی سپی قەدەغەکراوی لە رۆژئاوای کوردستان بەکارهێناوە و هەوڵیشدەدات بەڵگەکان بشارێتەوە.
ئاماژەی بەوەشکرد، تیمە پزیشکیەکانی رۆژئاوای کوردستان دەرمانی چارەسەرکردنیان بۆ برینەکانی چەکی فسفۆڕی سپی قەدەغەکراو نیە.
نۆی ئۆکتۆبەری ئەمساڵ سوپای تورکیا و گروپە چەکدارەکانی سەر بەو وڵاتە هێرشیانکردە سەر رۆژئاوای کوردستان و بەهۆیەوە زیاتر لە 400 هەزار هاوڵاتی ئاوارەبون و دەیان هاوڵاتی سڤیلش شەهیدبون و سەدانی دیکەش برینداربون کە برینی هەندێکیان سەختە و بەهۆی چەکی فسفۆڕی قەدەغەکراوەوە برینداربون.
PM:01:51:06/11/2019