ئاسایشی سلێمانی دەستگیرکردنی نۆ تۆمەتباری ڕاگەیاند
بەڕێوەبەرایەتی ئاسایشی پارێزگای سلێمانی لە راگەیەندراوێكدا ئاماژەی بەوەكردووە لە درێژەی كار و چالاكییەكانی بەڕێوەبەرایەتی ئاسایشی پارێزگای سلێمانی، لە سێ كار و چالاكی جیاوازدا هێزەكانمان توانیان لە سێ شوێنی جیادا نۆ كەس دەستگیر بكەن.
دەقی راگەیەندراوەكەی ئاسایشی سلێمانی:
چالاكی یەكەم / سێ تۆمەتبار بەناوەكانی (م، م، ص) لەدایك بوی ساڵی ( 1982) ڕەگەزی (نێر) پیشە كاسب، تۆمەتبار (ص، ا، ز) لەدایك بوی ساڵی ( 1956 ) ڕەگەزی ( نێر ) پیشەی كاسبە، تۆمەتبار (ع، ص، ا) لەدایك بوی ساڵی ( 1987 ) ڕەگەزی (نێر) پیشە كاسب، كە هەرسێكیان بەڕەگەز عەرەبن و دانیشتوی هەرێمی كوردستانن،بەبڕیاری دادوەری لێكۆڵینەوەی ئاسایشی سلێمانی بە ماددەی (443) لە یاسای سزادانی عێڕاقی لە شەوی 28/10/2019 دەستگیر كران بەتۆمەتی دزیكردن لە چەند ماركێتێك و كۆگای شت فرۆشتن و هەڵخڵەتاندنی هاوڵاتیان بە مەبەستی گۆڕینەوەی دراوی بیانی و دزی كردن لەو كەسانەی كە دراوەكانیان بۆ گۆڕیون وە بڕینی گیرفانی هاوڵاتیان وەلەچەند شارێكی هەرێمی كوردستان ئەم كارەیان ئەنجام داوە، پاشان ڕوبەڕوی یاسا كرانەوە.
چالاكی دووەم / دوو تۆمەتبار بەناوەكانی ( ب، ص، م) لەدایك بوی ساڵی ( 1998 ) ڕەگەزی ( نێر ) پیشە كاسب، تۆمەتبار ( ج، ع، ص) لەدایك بوی ساڵی ( 2001 ) ڕەگەزی ( نێر ) پیشەی كاسب، بەبڕیاری دادوەری لێكۆڵینەوەی ئاسایشی سلێمانی بە ماددەی (446) لە یاسای سزادانی عێڕاقی لە ڕۆژی 3/11/2019 دەستگیركران بە تۆمەتی دزیكردن لە مەیدانی ئاژەڵان و دزین و بردنی ئاژەڵان بۆ خانێكی چۆڵ بۆ سەربڕینی ئاژەڵەكان و ئامادەكردنی بۆ خستنە بازاڕ بە مەبەستی فرۆشتنی گۆشتەكەی، دواتر ڕوبەڕوی یاسا كرانەوە.
چالاكی سێ یەم / چوار تۆمەتبار بەناوەكانی ( ژ، ا، ت) لەدایك بوی ساڵی ( 1997 ) ڕەگەزی ( نێر ) پیشە كاسب، تۆمەتبار (ف، ا، ت) لەدایك بوی ساڵی (1998) ڕەگەزی ( نێر ) پیشەی كاسب، تۆمەتبار ( س، ص، ق) لەدایك بوی ساڵی ( 1994 ) ڕەگەزی ( نێر ) پیشە كاسب، تۆمەتبار ( ع، ف، م) لەدایك بوی ساڵی ( 1996 ) ڕەگەزی ( نێر ) پیشەی كاسب، بەبڕیاری دادوەری لێكۆڵینەوەی ئاسایشی سلێمانی بە ماددەی (443) لە یاسای سزادانی عێڕاقی، لەشەوی 7/11/2019 دەستگیركران بە تۆمەتی دزیكردن كە تۆمەتباران لە چەن شوێنی جیاواز چەند ماتۆڕسكیلێك و تانكی ئاوی ماڵان و وایەری كارەبایان دزیوە، پاشان ڕوبەڕوی یاسا كرانەوە بۆ كاری یاسایی.
PM:04:54:12/11/2019