ئەمڕۆ شەممە ١٦ی تشرینی دووەمی ٢٠١٩ لە ڕاگەیەندراوێکدا كۆمسیۆنی مافەكانی مرۆڤ لە عێراق ئاماری قوربانییەکانی دوو ڕۆژی ڕابردووی بڵاوکردەوەو تێیدا هاتووە" ٦٦ خۆپیشاندەر لە بەغدا دەستگیركراون وهەروەها سێ خۆپیشاندەر كوژراون و نزیكەی ١٤٠ كەسی دیكەش برینداربوون".
سەرچاوەکە وتیشی" دوێنێ ٦٦ خۆپیشاندەر لە بەغدا دەستگیركراون و تەنها حەوت كەسیان ئازاد كراون، ٢٠خۆپیشاندەریش لەبەسڕە دەستگیركراون و بەهۆی فشارەكانی كۆمسیۆنەوە حەوت خۆپیشاندەریان ئازاد كراوە و لەشاری زیقاریش ٣٧ خۆپیشاندەر دەستگیركراون و ٢١ كەسیان ئازاد كراون، هەروەها دوێنێ سێ خۆپیشاندەر كوژراون و نزیكەی ١٤٠ كەسی دیكەش برینداربوون بەشێكی زۆریان لەنەخۆشخانە ماونەتەوە و چارەسەر وەردەگرن".
سەرەتای ئەم مانگە خۆپیشاندانی جەماوەری بەرفراوان لە ژمارەیەك شاری عیراق دەستی پێكرد و خۆپیشاندەران داوای ئەنجامدانی چاكسازی و رووبەڕووبوونەوەی گەندەڵی و دابینكردنی خزمەتگوزاری و هەلی كاریان دەكرد و دواتر داواكارییەكەیان گۆڕا بۆ گۆڕینی حکومەتی عیراق.