ئاژانسی هەواڵی "سانا"ی فەرمی سووریا ڕایگەیاند" شەوی ڕابردوو هێرشكراوەتەسەر چەند ناوچەیەكی نزیك لە شاری حەلەب و بەهۆیەوە پێنج هاووڵاتی كوژراون و نزیكەی ٤٠ كەسی دیكەش برینداربوون".
ئاژانسی سانا ئاماژەی بەوەشكرد" گوللـە هاوەنێك بەر ئۆتۆمبێلێك كەوتوە لە حەی ئەعزەمیەو بەو هۆیەوە كەسێك كوژراوە و چوار هاوڵاتی مەدەنی برینداربوون كە منداڵیشی تێدایە، دوای ڕووداوەكە كوژراو و بریندارەكان بۆ نەخۆشخانەكانی شاری حەلەب گواستراونەتەوە".
شاری حەلەب پێشتر لەلایەن چەند گروپێكی چەكداری ئۆپۆزسیۆنی سوریاوە كۆنترۆڵكرا و ساڵی ڕابردوو سوپای سوریا بە هاوكاری هێزی ئاسمانی ڕوسیا كۆنترۆڵی كردەوە.