لەگەڵ دەستلەکارکێشانەوەی د. عادل عەبدولمەهدی کە ئێران خوازیاری نەبوو، قاسمی سلێمانی فەرماندەی فەیلەقی قودس گەیشتۆتە بە غدا بۆ بەشداریکردن لە داڕشتنی قۆناغی دوای سەرۆک وەزیرانی ئێستا.
میدیا عێراقییەکان لەنێویاندا، تەلەفزیۆنی " ئەلشەرقیە"، بڵاویکردەوە، کە قاسمی سلێمانی بۆ کارێکی نوێ گەیشتۆتە بەغدا، بەپێی بۆچوونی چاودێران، کۆماری ئیسلامی ئێران لە عێراق پاشەکشە ناکات و لەرێگای ئەو هێزانەی کە نزیکن لە ولآتەوە بەشداری داڕشتنەوەی پرۆسەی سیاسی و پێکهنانی حکومەتی نوێ و دیاریکردنی سەرۆک وەزیران دەکەنەوە.
ئەوە لە کاتێکدا کە یەکێک لە دروشمە سەرەکییەکانی خۆپیشاندەرانی بەغداو شارەکانی باشووری عێراق، دەرکردنی ئێران و لاوازکردنی رۆڵی ئەو ولآتەیە لە عێراق.
لە دوای ساڵی ٢٠٠٣و رووخانی رژێمی سەدامەوە ئێران هاوشانی ئەمەریکا رۆڵێکی سەرەکی بینیووە لە داڕشتنی پرۆسەی سیاسی عێراق بەدرێژایی ١٦ ساڵی رابردوو.