وەزارەتی دارایی و ئابووری هەرێم بەردەوامە لە دابەشکردنی مووچەی مووچەخۆران و فەرمانبەران، بەگوێرەی خشتەیەک کە لە وەزارەتی دارایی و ئابووری هەرێم بڵاوکراوەتەوە بڕیارە سبەی مووچەی وەزارەتێک دابەشبکرێت.
ئەمڕۆ چوارشەممە ١١ی کانوونی یەکەمی ٢٠١٩ سەرچاوەیەکی ئاگادار لە وەزارەتی دارایی و ئابووری حکومەتی هەرێمی کوردستان ڕایگەیاند" سبەی پێنج شەممە ڕێککەوتی ١٢ی کانوونی یەکەمی ٢٠١٩ مووچەی مانگی ئەیلوولی وەزارەتی تەندروستی دابەشدەکرێت".
هەروەها سەرچاوەکە وتیشی" ئەمڕۆ چوارشەممە مووچەی مانگی ئەیلوولی وەزارەتی دارایی و ئابوری حکومەتی هەرێم دابەشکرا".
هەرچەندە بڕیارە لە ٥ی هەموو مانگێكەوە دابەشكردنی مووچە دەستپێبكات، بەڵام چەند مانگێكە دابەشكردنی مووچە چەند ڕۆژێك دوادەكەوێت و تا ئێستاش چارەنووسی مووچەی ٣مانگی ئەمساڵ نادیارە.