فەیلەقی قودسی سوپای باسداران ناوی كوژراوەكانی بۆردومانەكەی بەیانی ئەمڕۆی ئەمریكای بۆ سەر فڕۆكەخانەی نێودەوڵەتی بەغدای ڕاگەیاند.
فەیلەقی قودس رایگەیاند" هەریەکە لە جەنڕاڵ حسێن جەعفەری نیا و عەقید شەهرود موزەفەری و رائید هادی تارمی و نەقیب وەحید زەمانی لە بۆردمانەکەدا کوژراون".
ئەوە لەکاتێکدایە لە بۆردومانەکەی ئەمریکادا هەریەکە لە قاسم سولەیمانی فەرماندەی فەیلەقی قودس و ئەبو مەهدی موهەندیس جێگری سەرۆکی دەستەی حەشدی شەعبی و چەند بەرپرسێکی تری حەشد کوژراون.