ئەمشەو حکومەتی نوێی لوبنان بە سەرۆکایەتی حسان دیاب کەسایەتی نزیک لایەنە شیعەکان راگەیەندرا، خۆپیشاندەران بە توندتر و فراوانتر لە جاران رژانە سەر شەقامە سەرەکییەکان.
حسان دیاب سەرۆکی حکومەتی نوێی لوبنان رایگەیاند" کابینەکەی تۆکنۆکراتن و گوێی بە لایەنە سیاسیەکان نادەن"، هەروەها داوای ئارامی ولآتی کردو وتیشی" ئیتر ئێستا کاتی کارکردنە".
خۆپیشاندەران حسان دیاب و کابینەکەی بە " یەک رەنگ " ناوزەد دەکەن و بەنوێنەری هەموو لوبنایییەکانی نازانن، هەر بۆیە لەسەرەتاسەری ولآت و بەتایبەتی لە بەیروت ڕژانە سەر شەقامەکان فراوانتر لەجاران.
خۆپیشاندەران جەخت دەکەنەوە کە ئەمشەو کابینەی نوێ شکست پیدەهێنن و هەر ئیستا لە هەوڵدان بچنە بینایەی پەرلەمانی لوبنانی.