له‌نوێترین په‌یامیدا نه‌وشیروان مسته‌فا رێكخه‌ری
گشتی بزوتنه‌وه‌ی گۆڕان رووی قسه‌ی كرده‌وه هێزه‌كانی پێشمه‌رگه و ناوخۆ و
ڕایگه‌یاند: ئومێدمان به‌و هێزانه‌یه كه سنووری هه‌رێمی كوردستان بپارێزن.
بةثيَي هه‌واڵێكی سایتی سبه‌ی ئه‌مڕۆ نه‌وشیروان
مسته‌فا ڕایگه‌یاندوه: ئه‌وانه له حیزبی به‌عس نه‌ترساون، ئێستا له كۆمه‌ڵێك خه‌ڵك
ناترسن كه رۆژگار هێناونێتیه پێشه‌وه‌‌و كردونیه‌تی به فه‌رمانده‌ی لێنه‌وه‌شاوه.
وتیشی: ئێمه ئومێدێكی گه‌وره‌مان پێیانه سنوری
هه‌رێمه‌كه‌مان‌و سیسته‌می سیاسی‌‌و ئاسایشی ناوخۆ له هه‌رێمی كوردستان بپارێزن،
ئه‌مانه پیاوی ئازاو قاره‌مانن میلله‌ته‌كه‌مان چاوی لێیانه.
له كۆتایشدا ئاماژه‌ی به‌وه‌كرد، بزوتنه‌وه‌ی
گۆڕان به‌ره‌وژوری (حه‌وت هه‌زار) كه‌سی داناوه بۆ بریكار كه ئه‌چنه سه‌ر سندوقه‌كانی
ده‌نگدان‌و ئومێدیان وایه به چاوێكی تیژه‌وه به‌وپه‌ڕی ئازایه‌تیه‌وه روبه‌ڕوی
ئه‌وانه ببنه‌وه كه ئه‌یانه‌وێت دیمه‌نی جوانی هه‌رێمی كوردستان دیمه‌نی هه‌ڵبژاردن
بشێوێنن، هه‌وڵبده‌ن له سه‌عاته‌كانی یه‌كه‌مه‌وه ده‌نگده‌ره‌كانی ئێمه بڕۆن بۆ
ده‌نگدان.