پۆلیسی هەولێر باندێكی دزینی مۆلیدەی دەستگیر كرد

‌

پۆلیسی پارێزگای هەولێر دەستگیركردنی باندێكی گەورەی دزیكردنی راگەیاند، كە لە 7 كەس پێكهاتوون و بە چەند ئۆتۆمبێلێك (3) مۆلیدەی گەورەیان لە هەولێر دزیبوو.

عه‌مید دلێر نه‌جات به‌ڕێوه‌به‌ری پۆلیسی پارێزگای هه‌ولێر له‌و باره‌یه‌وه‌ رایگه‌یاند" شه‌وی ڕابردوو زانیاری گه‌یشته‌ پۆلیس به‌ بوونی باندێكی گه‌وره‌ی دزیكردن له‌ شاری هه‌ولێر، بۆیه‌ پۆلیس دوای لێكۆڵینه‌وه‌یه‌كی ورد، توانی ناسنامه‌ی (7) تۆمه‌تبار ئاشكرا بكات و ده‌ستگیریان بكات".

عه‌مید دلێر نه‌جات وتیشی" له‌ پێناو هه‌رچی زووتر ده‌ستگیركردنی تۆمه‌تباران، سه‌رپه‌رشتی و چاودێریی تیمێكی لێكۆڵینه‌وه‌مان كرد، كه‌وا توانییان له‌ ماوه‌یه‌كی كه‌مدا و له‌ ڕێگای كامێرای چاودێرییه‌وه‌ ئه‌و ئۆتۆمبێلانه‌ ده‌ستنیشان بكه‌ن كه‌ سێ‌ موه‌لیده‌ی كاره‌بایان پێ دزرابوو و توانرا ده‌ست به‌سه‌ر ئۆتۆمبێله‌كانیشدا بگیرێت".

روونیشیكرده‌وه‌ كه‌ "(3) تۆمه‌تباری سه‌ره‌كی، كه‌ هه‌ڵسابوون به‌ دزینی موه‌لیده‌كان، ده‌ستگیر كران و ئه‌و كه‌سه‌ش قۆڵبه‌ست كرا كه‌ موه‌لیده‌كانی له‌و تۆمه‌تبارانه‌ كڕیبووه‌وه‌".

ئه‌وه‌شی‌ خسته‌ڕوو: له‌گه‌ڵ ده‌ستگیركردنی (3) تۆمه‌تباری دیكه‌ كه‌ له‌و تاوانه‌وه‌ تێوه‌ گلابوون، بۆیه‌ كۆی گشتی ئه‌و تۆمه‌تبارانه‌ی ده‌ستگیر كراون، (7) تۆمه‌تبارن. 

راشیگه‌یاند" په‌ڕاوی لێكۆڵینه‌وه‌یان بۆ رێكخرا و ره‌وانه‌ی دادگای هه‌ولێر كران، دادوه‌ریش بڕیاری دا به‌ به‌ندكردنیان به‌پێی مادده‌ 443 له‌ یاسای‌ سزادانی‌ عیراقی‌".
 


PM:02:47:31/01/2020








ئەستێرەکان

Spee Media