وەزارەتی دارایی و ئابوری حكومەتی هەرێمی كوردستان خشتەی دابەشكردنی دوو رۆژی موچەی مانگی ١١ی ساڵی رابردوی راگەیاندو ئاشكرایكرد، لەدوو رۆژی داهاتودا مووچەی وەزارەتەكانی تەندروستی لەگەڵ شەهیدان و كاروباری ئەنفالكراوان دابەشدەكرێت.
سەرچاوەیەکی ئاگادار لە وەزارەتی دارایی و ئابووری حکومەتی هەرێمی کوردستان ڕایگەیاند" ڕۆژی یەکشەممە ١٦ی شووباتی ٢٠٢٠ مووچەی وەزارەتی تەندروستی دابەشدەکرێت".
وتیشی" ڕۆژی دووشەممە ١٧ی شووباتی ٢٠٢٠ مووچەی وەزارەتی کاروباری شەهیدان و ئەنفالکراوان و کەسوکاری شەهیدان زیندانیانی سیاسی دابەشدەکرێت".
سەرچاوەکەی وەزارەتی دارایی ئاماژەی بەوەشکرد" رۆژانی سێشهممه و چوارشهممهى داهاتوش مووچهی وهزارهتی دادو ئهنجومهنی دادوهری ههرێم دابهشدهكرێت".
وەزارەتی دارایی و ئابوری هەرێمی كوردستان بۆ دابەشكردنی مووچە پشتبە دو سەرچاوەی دارایی دەبەستێت، یەكەمیان، فرۆشتنی نەوتی هەرێمی كوردستانە بەشێوەی سەربەخۆ، دوەمیان ناردنی پشكی هەرێمی كوردستانە لە بەغداوە كە مانگانە ٥٢٢ ملیار دینارە.