ئەمڕۆ پێنج شەممە كۆبوونەوەی ئەنجومەنی سەركردایەتی یەكێتیی نییشتمانیی كوردستان بۆ تاتوێكردنی دوا پێشهاتە سیاسییەكانی ناوچەكە و گفتوگۆ لەسەر ناوخۆ و پەیكەری ڕێكخراوەیی حزب لە شاری سلێمانی بەڕێوەچوو، کە بڕیارە ڕۆژی شەممە لە كۆبوونەوەیەكدا سكرتێر و جێگری سكرتێر و بڕیاردەری ئەنجومەنی سەركردایەتی هەڵبژێردرێن.
سەرچاوەیەك لە ئەنجومەنی سەركردایەتی یەكێتیی نییشتمانیی كوردستان ڕایگەیاند" کۆبوونەوەی ئەنجوومەنی سەرکردایەتی یەکێتی نیشتمانی کوردستان بە سەرکردایەتی لاهور شێخ جەنگی و پاڤڵ تاڵەبانی هاوسەرۆکانی یەکێتی بەڕێوەچوو و تاوتوێی دواین پێشهاتەکانی ناوچەکە و پەیکەری حزبەکە کرا".
ڕاشیگەیاند" هەر لەو كۆبونەوەیەدا گفتوگۆ لەسەر پرسەكانی ناوخۆی هەرێم و پەیكەری ڕێكخراوەیی یەكێتیی كراو كەمێك پێش ئێستا كۆبونەوەكە كۆتایی هات".
ئاماژەی بەوەشکرد" بڕیارە رۆژی شەممە ئەنجوومەنی سەرکدایەتی سکرتێر و جێگری سکرتێر بۆ حزبەکە هەڵببژێرن".