خانمه ئه‌كته‌رى كورد دڵنیا كاموسى له هه‌ژمارى تایبه‌تى خۆى له تۆڕى كۆمه‌ڵایه‌تى ئینستاگرام ڤیدیۆیه‌كى خۆى بڵاوكرده‌وه و ده‌ڵێت" به‌هۆى ئه‌وه‌ى هه‌ڵگرى پاسپۆرتى ئێران-م رێگه‌م پێنه‌دراوه بێمه ناو خاكى كوردستان، دیپۆرت كراومه‌ته‌وه بۆ وڵاتى توركیا".
دڵنیا كاموسی ساڵی ١٩٩٢ لە شاری بۆكانی رۆژهەڵاتی كوردستان لەدایكبووەو ساڵی ٢٠٠٤ بەبەشداری كردن لە كورتە فیلمێكی كوردی لەنووسین و دەرهێنانی دەرهێنەر نازی سەلیمی دەستی بەكاری هونەری كردووەو دواتر هاتۆتە كوردستانی باشور و بەشداری لە دەیان بەرهەمی دراما و سینەمای كوردی كردووە، لە ئێستاشدا لە هەولێر نیشتەجێیە و یەکێکە لە پێشکەشکارە دیارەکانی کوردستان.