بەڕێوبەری گشتی تەندروستی سلێمانی، سەباح هەورامی رایدەگەیەنێت "هەفتەی داهاتوو هەفتەیەکی هەستیارە بۆ خۆپارێزی لە نەخۆشی کۆرۆنا".
لەپەیامێكیدا بۆ خۆپارێزی لە پەتای ڤایرۆسی كۆرۆنا، بەڕێوەبەری گشتی تەندروستی سلێمانی رایدەگەیەنێت "پێویستە هاوڵاتیان زیاتر وریای خۆیان ببن".
ئەو بەرپرسەی تەندرووستی دەڵێت:
۱.هەفتەی داهاتوو هەفتەیەکی هەستیارە بۆ خۆپارێزی لە پەتای کۆرۆنا لە شاری سلێمانی و دەوروبەی .
۲.داوا لە هاوڵاتیانی شاری سلێمانی و دەوروبەری دەکەین زیاتر پابەندی رێنماییە تەندروستیەکان بن لە هەفتەی داهاتووەوە.
۳.ئەو هاوڵاتیانەی لە وڵاتی ئێران گەراونەتەوە پێویستە لە شوێنێکی جیاکراوە چاودێری بکرێن و بەرکەوتنیان لەگەڵ هاوڵاتیانی تر نەبێت.
٤.هەر هاوڵاتیەک لە وڵاتی ئێران گەراوەتەوە نیشانەکانی وەک (بەرزی پلەی گەرمی و کۆکە و پژمینی) هەیە پێویستە سەردانی کلینیکی چارەسەری کۆرۆنا بکات لە گەرەکی (سەرچنار).
۵. هەر هاوڵاتیەک سەردانی ئێرانی نەکردبێت یان بەرکەوتنی راستەوخۆی لەگەڵ کەسانێک نەبوبێت کە لە ئێران گەرابێتەوە لە کاتی هەبونی نیشانەکانی پەتای ئەنفلۆنزادا پێویست ناکات سەردانی نەخۆشخانە بکات لە ئێستادا.