وەزیری تەندروستی عێراق هۆشداری لە دروستبوونی کارەساتێکی گەورە دەدات

‌
وه‌زاره‌تی ته‌ندروستیی عێراق هۆشداریی له‌ دروستبونی كاره‌ساتێكی ته‌ندروستی گەورە دەدات به‌هۆی ڤایرۆسی كۆرۆناوەو، دەڵێت"‌ به‌رگه‌ی ئه‌نجامه‌كه‌ی ناگیرێت."


جەعفەر سادق عەلاوی وەزیری تەندروستی عێراق له راگەیەندراوێکدا ئه‌مڕۆ پێنجشه‌ممه‌ ١٢ی ئازار، ده‌ریكردووه‌، " داوای له‌ هاوڵاتیان و لایه‌ن حكومییه‌كان و غه‌یره‌ حكومییه‌كانیش ده‌كات زۆر به‌ وردی رێنماییه‌ ته‌ندروستییه‌كان بۆ خۆپاراستن له‌ كۆرۆنا جێبه‌جێ بكه‌ن".


وه‌زاره‌تی ته‌ندروستی، داواشی له‌ هاوڵاتیان كردووه‌ هاتوچۆ و جوڵه‌كردن له‌نێوان شاره‌كاندا كه‌مبكه‌نه‌وه‌ و داواشی له‌ لایه‌نه‌ په‌یوه‌ندیداره‌كان كردووه‌ چاوپۆشی له‌ هیچ سه‌رپێچییه‌ك نه‌كه‌ن، چونكه‌ چاوپۆشیكردن كاره‌ساتێكی ته‌ندروستیی به‌دواوه‌ ده‌بێت كه‌ كه‌س به‌رگه‌ی ئه‌نجامه‌كه‌ی ناگرێت.


ژماره‌ی تووشبووان له‌ عێراق بۆ  ٨٠ كه‌س زیادی كردووه‌ و تائێستاش ٨ كه‌س گیانیان له‌ده‌ستداوه‌ و ٢٠کەسی دیكه‌ش چاكبوونه‌ته‌وه‌.
 


PM:04:54:12/03/2020








ئەستێرەکان

Spee Media