پۆلیسی سلێمانی هاووڵاتییه‌كی ده‌ستگیركرد، كه له وڵاتی ئێرانه‌وە گه‌ڕابوویەوە هه‌رێمی كوردستان و خۆی به‌تیمه ته‌ندروستییه‌كان نه‌ناسندبوو.
بەڕێوەبەرایەتی پۆلیسی سلێمانی رایگەیاند" لەلایەن هەواڵدەرێكەوە زانیاری گەیشتە هێزەكانی پۆلیس كە هاووڵاتییەك لەوڵاتی ئێرانەوە گەڕاوەتەوە هەرێمی كوردستان و خۆی بەتیمە تەندروستییەكان نەناساندووە".
پۆلیس ئەوەی رونكردەوە: بنكەی پۆلیسی چوارچرا لێكۆڵینەوەكانی دەستپێكردو بەهەماهەنگی لەگەڵ بنكەی تەندروستی عەلی ناجی تایبەت بەكۆرۆنا توانرا هاووڵاتییەكە لەماڵەكەی خۆی لەشاری سلێمانی دەستگیربكرێت و ڕەوانەی نەخۆشخانەی تایبەت بەكۆرۆنا بكرێت.
ئەو هاووڵاتیە ناوی ( ع ، ح ، ف ) لەدایكبوی ١٩٥٧ و لەوڵاتی ئێرانەوە گەڕاوەتەوەو خۆی بەتیمە تەندروستییەكان نەناساندووە، پۆلیس داواش دەكات هەر كەسێك زانیاری هەیە "لەسەر هەركەسێك كە لەوڵاتی ئێرانەوە گەڕاونەتەوەو خۆیان بەتیمە تەندروستییەكان نەناساندووە، پەیوەندی بەهێڵە گەرمەكانی پۆلیسی پارێزگای سلێمانییەوە".