بەڕێوەبەرایەتیی پۆلیسی پارێزگای هەولێر، دەستگیركردنی دوو كەسی بە تۆمەتی بەكارهێنان و بازرگانیكردن بە ماددەی هۆشبەر ڕاگەیاند.
دلێر نەجاڕ، بەڕێوەبەری پۆلیسی پارێزگای هەولێر لە راگەیەندراویکدا بڵاویکردەوە" دوای ئاگاداركردنەوەمان لە بەکار هێنان و بازرگانیکردن بە مادەی هۆشبەر لە لایەن دوو کەسەوە، تیمێكی لێكۆڵینەوەمان پێكهێنا و دوای كۆكردنەوەی زانیاری، توانرا هەردوو تۆمەتبارەكە دەستگیر بكرێن".
ناوبراو دەشڵێت" هەردوو تۆمەتبارەكە بە ناوەكانی (ا.م.ح) و (ل.ش.ع)، دانیان بە تاوانەكەیاندا نا كە هەڵسابوون بە بەكارهێنان و بازرگانیكردن بە ماددەی هۆشبەر لە جۆری كریستاڵ".
ئاماژەی بەوەکردووە، پەڕاوی لێكۆڵینەوە بۆ ئەو دۆسیەیە کراوەتەوە و بە بڕیاڕی دادوەر دوو تۆمەتبارەکە بە ماددە (۱٤) لە یاسای ماددە هۆشبەرەكان راگیراون.