رێکخراوی هەنگاو رایدەگەیەنێت "بە گیان لە دەست دانی ١٣ کەسی دیکە بە هۆی توشبوون بە پەتای کۆرۆنا، ژمارەی ئەو کەسانەی کە لە کوردستان بە هۆی توشبوون بە پەتای کرۆناوەلە رۆژهەڵاتی کوردستان گیانیان لە دەست داوە گەیشتە ٢٤٠ کەس."ئەوە لە کاتێکدایە کە کۆماری ئیسلامی ئێران دەڵێت " ١١٠ بەکۆرۆنا لە شارە کوردیەکانی گیانیان لەدەستداوە".
لە نوێترین راگەیاندنی دا رێکخراوی هەنگاو کە گرنگی دەدات بە رەوشی رۆژهەڵاتی کوردستان، رایگەیاند " بە پشتبەستن بە ئامارەکانی هەنگاو، لە ماوەی ٢٤ کاتژمێری ڕابردوودا ١٣ هاووڵاتیی دیکە لە شارەکانی سەقز(٤ حاڵەت)، بانە (١ حاڵەت)، کرماشان (٢ حاڵەت)، ئیلام (١حاڵەت)، دەڕەشار (١حاڵەت)، ئەیوانی ڕۆژئاوا (١حاڵەت)، خۆی (١حاڵەت)، پیرانشار (١حاڵەت) و ئورمیە (١حاڵەت)، بە هۆی تووشبوون بە پەتای کۆرۆنا گیانیان لە دەست داوە کە ٤ کەسیان لە شارەکانی سەقز (٢ حاڵەت)،خۆی و دەڕەشار ژن بوون".
ئەو رێکخراوە دەڵێت "بە هۆی نەبوونی سیستەمێکی ڕاگەیەنادنی فەرمی و جێگای متمانە، ڕێکخراوی مافی مرۆڤی هەنگاو بە ئەرکی زانیوە کە بە وەرگرتنی زانیاری لە سەرچاوەی جێگای متمانە لەمەوبەدوا ژمارەی قوربانیانی توشبوو بە پەتای کۆرۆنا لە کوردستان بە شێوەی ڕۆژانە بڵاو بکاتەوە".
رێکخراوی هەنگاو ئاماژە بۆ ئەوە دەکات "بە پشتبەستن بە ئاماری تۆمارکراو لە ناوەندی ئاماری ڕێکخراوی مافی مرۆڤی هەنگاو، لانیکەم ٢٤٠ هاووڵاتیی کورد لەو ماوەیەدا بە هۆی تووشبوون بە پەتای کۆرۆناوە گیانیان لە دەست داوە کە ٧٧ کەسیان ژن و ١٦٣ کەسیان پیاو بوون".
جیا کردنەوە بە پێی پارێزگاکان
پارێزگای ئیلام: ٣٥ حاڵەت (١٢ ژن و ٢٣ پیاو)
پارێزگای کرماشان : ٥٦ حاڵەت (١٨ ژن و ٣٨ پیاو)
پارێزگای سنە: ٨٨ حاڵەت (٢٧ ژن و ٦١ پیاو)
پارێزگای ئورمیە: ٦١ حاڵەت (٢١ ژن و ٤٠ پیاو)
هەنگاو ئاشکرای دەکات "تۆمار کردنی ئەو ئامارانە لەلایەن هەنگاو لە حاڵێکدایە کە حکومەتی ئێران تەنیا ١١٠ حاڵەتی بڵاو کردووەتەوە و بە پێی ئامارە حکوومەتییەکان لە پارێزگای سنە ٣٤ کەس، ئورمیە ٤١ کەس، کرماشان ١٩ کەس و ئیلام ١٦ کەس بە هۆی تووشبوون بە پەتای کۆرۆنا گیانیان لە دەست داوە".
جیا کردنەوە بە پێی شارەکان وەک رێکخراوی هەنگاو رایگەیاندووە:
سەقز (٥٠ حاڵەت)، کرماشان (٢٩ حاڵەت)، ئورمیە (٢١ حاڵەت)، ئیلام (١٨ حاڵەت)، سنە (١٥ حاڵەت)، ئەیوانی ڕۆژئاوا (١١ حاڵەت)، سونقوڕ و کولیایی (٩ حاڵەت)، کیەڵان (٤ حاڵەت)، سەرپێڵی زەهاو (٥ حاڵەت)، بانە (٩ حاڵەت)، خۆی (٩ حاڵەت)، بۆکان (٨ حاڵەت)، قوروە (٥ حاڵەت)، میاندواو (٦ حاڵەت)، پیرانشار (٦ حاڵەت)، کەنگاوەر (٥ حاڵەت)، کامیاران (٤ حاڵەت)، مەریوان (٣ حاڵەت)، بیجاڕ (٢ حاڵەت)، تیکاب (٢ حاڵەت)، سایین قەڵا (٤ حاڵەت)، مەلەکشاهی (١ حاڵەت)، داڵاهۆ (١ حاڵەت)، شنۆ (١ حاڵەت)، چایپارە (١ حاڵەت)، نەغەدە (١ حاڵەت)، ڕەبەت (٢ حاڵەت)، شاباد (١ حاڵەت)، پاوە (١ حاڵەت) ، مێهران (٣ حاڵەت)، مەهاباد (١ حاڵەت)، هەرسین (١ حاڵەت)، دەڕەشار (١ حاڵەت).