لە کەرکوک حاڵەتێكی نوێی تووشبوون بە ڤایرۆسی كۆرۆنا تۆماركراو بەمەش كۆی گشتی تووشبووان لە شارەكەدا گەیشتە ١٢ كەس.
شانەی قەیرانەكان لە كەركوك بەمیدیاکانیان راگەیاندووە " دوای دوو ڕۆژ لە ناردنی پشكنینی ١٥ گومانلێكراو بۆ بەغداد، ئەنجامەكەی گەڕاوەتەوە كە ١٤-یان نێگەتیڤ بووە و یەكێكیش تووشی ڤایرۆسەكە بووە."
تووشبووەكە كچێكی تەمەن ٢٠ ساڵە و دانیشتووی گەڕەكی ڕەشید ئاوای كەركوكە و پێشتریش سەردانی دەرەوەی نەكردووە و هۆكاری تووشبوونەكەی نازانرێت.
لە دوای سەرهەڵدانی ڤایرۆسەكە لە كەركوك تا ئێستا ١٢ كەس تووشی ڤایرۆسەكە بوون كە شەش كەسیان چاكبوونەتەوە و كەسێكیش كە ژنێكی تەمەن ٧٤ ساڵ بوو گیانی لە دەستدا و پێنج تووشبووش لە نەخۆشخانەدان.