پارتی هێزی زیاتری رەوانەی ئەو شوێنانە کردووە کە پەکەکەی لێ یە

‌
میدیاکانیی نزیک پەکەکە ئاشکرای دەکەن، پارتی جگە لە زێنی وەرتێ، ژمارەی هێزەکانی لە دەڤەرەکانی بابیشکا و قەسرێ زیادکردووە، دەوترێت لەناو ئەو هێزانە پێشمەرگەی ڕۆژیش هەن.


ماڵپەڕی رۆژنیوز لە میانەی بڵاوکردنەوەی راپۆرتێک لەسەر جموجوڵی هێزەکانی پارتی، ئاماژە بۆ ئەوە دەکات" هێنانی ئەو هێزانە هەرچەندە بەبیانووی ڕووبەڕووبوونەوەی کۆرۆنایە، بەڵام ئەمکارە ڕێگە بۆ هێرشی زیاتری دەوڵەتی تورک دەکاتەوە، کەجەکە داوای کردووە ئەو هێزانەی هاتوونەتە هەرێمەکە، بگەڕێنەوە شوێنی خۆیان و نەبنە هۆی ئالۆزیی، لە کاتێکدا وەزارەتی پێشمەرگە ڕایگەیاندبوو".


ئەو میدیایە ئەوەش ئاشکرا دەکات، پارتی نەک تەنها بۆ زێنی وەرتێ لە دوو ناوچەی دیکەی سۆرانیش هێزی سەربازیی زیادکردووە.  


سەرچاوەکان ڕایانگەیاند: پارتی ژمارەیەک لە هێزەکانی خۆی لە بابیشکا کە دەکەوێتە نێوان دیانا و ڕەواندز جێگیر کردووە و لەوێ جموجوڵیکی زۆری سەربازی دەبینرێت.


سەرچاوەکان هەروەها ئاشکرایانکرد کە پارتی لە قەسرێی سەربە ناوچەی سۆران کە نزیکە لە قەندیل، ژمارەیەکی زیاتر لە هێزەکانی خۆی بردووەتە بارەگاکانی.


ئەو میدیایە دەشڵێت" هەر ئەو سەرچاوانە ئاشکرایان کردووە کە لەناو ئەو هێزانەی براونەتە بابیشکا و قەسرێ، پێشمەرگەکانی ڕۆژیش هەن و ژمارەی ئەو پێشمەرگانەی ڕەوانەی ئەوێ کراوە زیاترە لە هەزار پێشمەرگە".  




 
 


PM:01:25:17/04/2020








ئەستێرەکان

Spee Media