هەرچەندە شەوی رابردوو هەندێک کێشە لەسەر شوێنی کۆبوونەوەو ئاستی هەردوو وەفدی هەردوو حیزبەکە دروستبوو، بەڵام ئەو کێشانە تێپەڕێندراو بڕیارە ئەمڕۆ مەكتەبی سیاسی پارتی و یەكێتی لە ھەولێر كۆببنەوە و تاوتوێی پەیوەندییەكانیان و دوایین پێشھاتەكانی ھەرێمی كوردستان و عێراق بكەن.
ماڵپەڕی كوردستان24 ی سەربە پارتی بڵاویکردەوە، ئەمڕۆ مەكتەبی سیاسی پارتی دیموكراتی كوردستان و یەكێتی نیشتمانی كوردستان لە ھەولێر كۆدەبنەوە و گفتوگۆ لەبارەی پەیوەندییەكانیان و دواین گۆڕانكاری و پێشھاتەكانی ناوخۆ و ناوچەكە دەكەن.
کۆبوونەوەی ئەمڕۆی مەکتەبی سیاسی یەکێتی و پارتی بە تایبەتی بۆ هێورکردنەوەی پەیوەندیەکانی هەردوولا دەبێت کە بەهۆی کێشەی زینی وەرتێ لەنێوان رانیەو قەڵادزەدا هاتۆتە ئاراوە.