جێگری سەرۆکی شارەوانی ئاگاداری سەرجەم فەرمانبەرانی گرێبەستی بەڕێوەبەرایەتی باخچەکان دەکاتەوە کە لە ڕۆژی شەممەی داهاتوو هەتا پێنج شەممە بە بێ هیچ تەناوبێک دەبێت دەوام بکەن و بەپێچەوانەوە لەکار لادەبرێن.
بەگوێرەی ئەو زانیاریانەی دەست "سپی" کەوتووە ئاکۆ عەلی، جێگری سەرۆکی شارەوانی بە لێپرسراوی بەشەکانی بەڕێوەبەرایەتی باخچەکانی ڕایگەیاندووە " سەرجەم فەرمانبەرانی گرێبەست لە ڕۆژی شەممە تا پێنج شەممە دەوامی ڕەسمیانە بەبێ هیچ تەناوبێک، هەر لێپرسراوی بەشێک تەناوب بە باخەوان و کارمەندە کاتییەکانی بدات ئیجرائاتی یاسایی بەرامبەر کرێکارە کاتییەکەی دەکرێت و لادەبرێت".
جێگری سەرۆکی شارەوانی داواشی لە لێپرسراوی بەشەکانی ئەو بەڕێوەبەرایەتیە کردووە کە ئاگاداری سەرجەم باخەوان و کارمەندانیان بکەن ئەوانەی کاتین واتە گرێبەستن نابێت بە هیچ شێوەیەک تەناوبیان هەبێت، "هەر کەسێک بەو جۆرە دەوام نەکات ئاگادارمان بکەنەوە، چونکە ئەمرێکی بۆ دەرەکەین بۆ لابردنی و دانانی کەسێکی دیکە لەشوێنی".
ئەو بڕیارەی ناوبراو لەکاتێکدایە کە ئەو بەڕێوەبەرایەتیە لە کاتی کەرەنتینەدا باخەوان و کارمەندانیان هاوشێوەی تەندروستی و هێزە ئەمنیەکان لە ئەرکدا بوون و لە ئێستاشدا کە دەوامی ئەم بەڕێوەبەرایەتیە زیاد دەکرێت زۆرینەی کارمەندانی بەڕێوەبەرایەتی و وەزارەتەکانی دیکە بە تەناوب دەوام دەکەن.
هاوکات هەر بەگوێرەی زانیاریەکان زۆرینەی کارەکانی ئەم بەڕێوەبەرایەتیە کە خزمەتکردنی باخ و پارکەکانی شاریسلێمانییە بە کارمەندانی گرێبەست بەڕێوە دەچێت و بەشێک لە کارمەندەکانی ماوەی (۷-۱٥) ساڵە بە گرێبەست کاردەکەن و نەکراون بە هەمیشەیی.