وەزیری تەندروستی عێراق هۆشداری دەدات

‌
وه‌زیری‌ ته‌ندروستی‌ عێراق، حەسەن تمێمی رایگەیاند" وڵات به‌ره‌و قۆناغێكی‌ په‌تایی مه‌ترسیدار هه‌نگاو ده‌نێت".



لە کۆنگرەیەکی رۆژنامەگەری، ئه‌مڕۆ دووشه‌ممه‌ ٢٢ی حوزەیران حه‌سه‌ن تمێمی‌ وه‌زیری‌ ته‌ندروستی‌ عێراق، رایگەیاند "به‌رزبوونه‌وه‌ی‌ ژماره‌ی‌ تووشبووان به‌ ڤایرۆسی‌ كۆرۆنا ئاماژه‌ن به‌وه‌ی‌ وڵات به‌ره‌و قۆناغێكی‌ په‌تایی مه‌ترسیدار هه‌نگاو ده‌نێت".


هەروەها وتیشی‌: "تا ئه‌م ساته‌ هیچ چاره‌سه‌رێكی‌ كۆرۆنا نییه‌ و له‌ هه‌وڵداین تواناكان چڕبكه‌ینه‌وه‌ بۆ ئه‌وه‌ی‌ توانای‌ وه‌رگرتنی‌ ژماره‌یه‌كی‌ زیاتر تووشبووانی‌ كۆرۆنامان هه‌بێت".


ئاماژه‌شی‌ به‌وه‌دا كه‌ رێژه‌ی‌ چاكبوونه‌وه‌ی‌ تووشبووان به‌ ڤایرۆسی‌ كۆرۆنا له‌ عێراق گه‌یشته‌ سه‌دا ٤٥ و رێژه‌ی‌ گیان له‌ده‌ستدان گه‌یشتووه‌ته‌ ٣،٥% دایە.



دوا ئاماری وەزارەتی تەندروستی دوێنێ‌ یه‌كشه‌ممه‌ راگەیەندرا ١٦٤٦ كه‌سی‌ تری‌ تووشی ڤایرۆسی‌ كۆرۆنا بوون و، ٨٧ کەسیش گیانی لەدەستدا.
 


PM:04:02:22/06/2020








ئەستێرەکان

Spee Media