مەسعود بارزانی لە پیرمام پێشوازی لە جومعە عناد سەعدوون، وەزیری بەرگریی عیراق و شاندێكی یاوەری كرد.
بەگوێرەی راگەیەندراوێكی بارەگای بارزانی" لە كۆبونەوەكەدا وەزیری بەرگریی عێراق سڵاوی سەرۆك وەزیرانی عێراقی بە بارزانی گەیاند و كورتەیەكی لە بارودۆخی ئەمنی و سیاسیی عێراق و هەڕەشەی تیرۆریستانی داعش لە پارێزگاكانی ناوەندی عێراق خستەڕوو".
ئاماژەی بەوەشكردوە، هەر لەو كۆبونەوەیەدا جەخت لەسەر هەماهەنگیی نێوان هەرێمی كوردستان و حكومەتی عێراق لە ڕوبەڕوبونەوەی تیرۆر و هەروەها برەودانی كولتوری پێكەوەژیانی نێوان پێكهاتەكان كرایەوە.
لە كۆبونەوەكەدا بارزانی هیوای سەركەوتنی بۆ وەزیری بەرگریی عێراق خواست لە ئەرك و كارەكانیدا.