لە کاتێکدا باس لەوە دەکرا کە ئەو ئۆتۆمبیلەی کراوەتە ئامانج بەرپرسێکی رۆژئاوای تێدا بووە، سەرچاوەیەکی بەرپرس لە نوێنەرایەتی رۆژئاواوە ئەو زانیاریانە بەدرۆدەخاتەوەو دەڵێت " هیچ بەرپرسێکی رۆژئاوا لەهەرێمی کوردستان نییەو لەو رووداوەشدا کەسی رۆژئاوای تێدا نەبووە".
سەرچاوەیەکی ئاگادار و بەرپرسی رۆژئاوا لە هەولێرەوە بە " سپی " راگەیاند کە هیچ بەرپرسێکی رۆژئاوای کوردستان لەو رووداوەدا پێوە نەبووە، هەروەها هیچ بەرپرسێکی رۆژئاوا سەردانی هەرێمی کوردستانی نەکردووە.
ئەمڕۆ کاتژمێری ٥:٤٠ پاشنێوەڕۆی ئەمڕۆ فڕۆکەکانی تورکیا بۆردومانی سەیرانگای کوونەماسیان لە پارێزگای سلێمانی کردوو کەسێکی ناسراو لە ناو ئۆتۆمبیلەکەدا شەهید بووەو، لە دوو دوکانەکانیشدا شەش کەسی یەک خێزان بریندار بوون کە دوو ئافرەت و دوو منال و دوو پیاوبوون.
ئەم هێرشە لە کاتێکدایە کە سووپای تورکیا هەفتەیەکە بەهێزی ئاسمانی و زەمینی سنوری هەرێمیان شکاندووەو دەیان کیلۆمەتر لە حەفتانین خاکی هەرێمیان داگیرکردووەو فڕۆکەکانیشیان هەموو شوێنێکی هەرێمیان بە بیانووی پەکەکەوە کردۆتە ئامانج.