وەزارەتی تەندروستیی عێراق ئاماری ٢٤ کاتژمێری رابردووی راگەیاند کە ١٠٤ کەس بە کۆرۆنا گیانیان لەدەستداوە.
وەزارەتی تەندروستی عێراق ئاماری ٢٤ کاتژمێری رابردووی راگەیاند کە ١٩٥٨ کەس تووشی کۆرۆنا بوون و ١٠٤ تووشبووش گیانیان لەدەستداوە.
هەروەها لە راگەیاندنەکەدا هاتووە " لە هەموو عێراقیش ١٧٨٦ تووشبووی کۆرۆنا لەدوای پشکنین، ئەنجامەکانیان نێگەتیڤ بووە و چاکبوونەتەوە".
لە عێراق تا ئێستا ٤٩ هەزار و ١٠٩ کەس لە سەرجەم پارێزگاکانی عێراق بە هەرێمی کوردستانیشەوە تووشی کۆرۆنا بوون، لەو ژمارەیە ٢٤ هەزار و ٧٦٠ کەسیان چاکبوونەتەوە ،١٩٤٣ کەسیش بەهۆی پەتا جیهانییەکەوە گیانیان لەدەستداوە.