وتەبێژی فەرماندەی گشتی هێزە چەکدارەکانی عێراق ڕایگەیاند" هێزی پێشمەرگە ناگەڕێتەوە بۆ شاری کەرکوک".
عەمید یەحیا رەسوڵ، وتەبێژی فەرماندەی گشتی هێزە چەكدارەكانی عێراق لە تویتەر خۆی ڕایگەیاندوە" ئەوەی كراوە كۆبونەوەی بووە بۆ تاوتوێكردنی ناوەندەكانی هەماهەنگی لە پارێزگاكانی دیالە و كەركوك و نەینەوا بەمەبەستی ئاڵوگۆڕی زانیاری و چاودێریكردنی جموجوڵەكانی داعش، تا چه‌كدارانی داعش ئه‌و بۆشاییانه نه‌قۆزنه‌وه بۆ ئه‌نجامدانی كرده‌وه‌ی تیرۆرستی".
وته‌بێژی فه‌رمانده‌ی هێزه چه‌كداره‌كانی عێراق ره‌تیشیكردوه‌ته‌وه، هیچ بڕیارێك درابێت بۆ بڵاوه‌پێكردن و گه‌ڕانه‌وه‌ی هێزی پێشمه‌رگه بۆ كه‌ركوك و ناوچه‌كانی ده‌وروبه‌ری.
ئەوە لەکاتێکدایە ئەمڕۆ دەنگۆی ئەوە بڵاوبوەوە کە مستەفا کازمی سەرۆک وەزیرانی عێراق رەزامەندی نیشانداوە بە گەڕانەوەی هێزەکانی پێشمەرگە بۆ سنوری کەرکوک.