رێکخراوێکی بە ناوبانگی ئەوروپی پەکەکە بە مەترسی نازانێت

‌
رێكخراوی ئەوروپی ( یۆرۆپول ) رایگه‌یاند "‌ پارتی كرێكارانی كوردستان (په‌كه‌كه‌) هه‌ڕه‌شه‌ نییه‌ بۆسه‌ر ئه‌وروپا و ئه‌و حزبه‌ هیچ كرده‌وه‌یه‌كی تیرۆرستیی له‌ ئه‌وروپا ئه‌نجام نه‌داوه"‌.


لە راپۆرتی ساڵانەی رێكخراوی یۆرۆپول بۆ جێبه‌جێكردنی یاساكانی ئه‌وروپا کە به‌ناونیشیانی (دۆخی تیرۆر له‌ یه‌كێتی ئه‌وروپا بۆ ساڵی 2020)، ئاماژە بۆ ئەوە دەکات " تائێستا پارتی كرێكارانی كوردستان هیچ هێرشێكی تیرۆرستیی له‌ خاكی وڵاتانی ئه‌وروپادا ئه‌نجام نه‌داوه‌".


ئەو رێکخراوە باس لەوە دەکات "په‌كه‌كه‌ ته‌نها خۆپیشاندان و گردبونه‌وه‌ی تایبه‌ت به‌ دۆسیه‌ی كورد له‌ ئه‌وروپا رێكده‌خات و زۆربه‌ی خۆپیشاندانه‌كانیشی ئاشتیخوازانه‌یه‌ و كاری تێكده‌رانه‌ ناكه‌ن".



بە باش وەسفکردنی پەکەکە دوای کۆتا ئەنجامی لێکۆڵینەوە لە کووشتنی ئۆلف پاڵمە سەرۆک وەزیرانی سوید دێت، کە دادگا دوا بڕیاری خۆی جەختی لەسەر ئەوە کردەوە لەو رووداوەدا پارتی کرێکارانی کوردستان هیچ تۆمەتێکی نا کەوێتە سەر.
 


PM:02:08:14/07/2020








ئەستێرەکان

Spee Media