کەمێک لەمەوبەر فڕۆکە جەنگیەکانی تورکیا دەستیان بە بۆردومانکردنی ناوچەکانی ناحیەی شیلادزێ کرد.
بەپێی ئەو زانیاریانەی دەست ( سپی ) کەوتووە، لە چوارچێوەی ئۆپراسیۆنی بەردەوامی لەشکرکێشی تورکیا بۆ سەر ناوچە سنوریەکانی پارێزگای دهۆک، ئەم ئێوارەیە فڕۆکە جەنگیەکانی تورکیا بۆردومانی چەند ناوچەیەکی ناحیەی شیلادزێیان ئەنجام دا.
ترس و دڵە راوکێ لەلای خەڵکی ناوچەکە دروستبووە، بەلآم تا ئێستا زیانە گیانی و مادیەکان نەزنراوە.
لە ١٧ ی حوزەیرانەوە تورکیا هێرشی بەفراوانی بۆ سەر ناوچەی زاخۆ و ئامێدی دەستپێکردووەو چەندان کیلۆمەتر هاتۆتە نێو خاکی هەرێمەوە، تا ئێستا بەرپرسانی هەرێم هیچ هەڵوێستێکیان نییە، تەنها دەسەڵاتدارانی عێراق سەرۆک وەزیران و سەرۆک کۆمار نەبێت کە چەند جارێک ئیدانەی ئەو لەشکرکێشیەیان کردووە، بەلآم تا ئێستا ئەوانیش بەفەرمی وەک ئەو بوارە نێو دەوڵەتییەی لە نەتەوەیەکگرتووەکان و ئەنجومەنی ئاسایش مافی جموجوڵێ پێدراوە، نەجولآوە ئەو هەقەی بەکارنەهێناوە.