وەک یەکەم حاڵەتی گیانلەدەستدان شەوی ڕابردوو دوو تووشبووی کۆرۆنا لە دهۆک گیانیان لەدەستدا.
بەڕێوەبەرایەتی تەندروستی دھۆك لە راگەیەندراوێكدا گیان لەدەستدانی دوو تووشبووی كۆرۆنای لە نەخۆشخانەی گوڵان لە قەزای ئاكرێ راگەیاندووە و دەڵێت" بەھۆی تووشبوونیان بە ڤایرۆسی كۆرۆنا دوو نەخۆش لە تەمەنی (٦٠-٦٦) ساڵیدا لە نەخۆشخانەی گوڵان گیانیان لە دەستداوە".
هەر لە ڕاگەیەندراوەکەدا تەندروستی دهۆک لەبارەی تووشبووەکان دەڵێت" یەكێك لە تووشبووەكان پاسەوان و ئەوەی دیكەش كاسبكار بووە، رۆژی شەممە ١ی ئاب دوای ئەوەی سەردانی نەخۆشخانەیان كردووە و نموونەیان لێوەرگیراوە، پێش دەرچوونی ئەنجامی پشكنینەكان گیانیان لەدەستداوە".