ئەمشەو کاتژمێر ١٢ رێگای نێوان پارێزگاکانی هەرێم دادەخرێنەوە

‌


به‌ بڕیاری لێژنه‌ی باڵای هەرێم بۆ به‌ره‌نگاربوونه‌وه‌ی كۆرۆنا، لە كاتژمێر ١٢ی ئه‌مشه‌وەوە بازگه‌ی نێوان پارێزگاكان داده‌خرێت و هاتووچۆ لە نێوان پارێزگاكان به‌ رێگه‌پێدانی وه‌زاره‌تی ناوخۆ و ژووره‌كانی ئۆپه‌راسیۆن ده‌بێت.


 دوێنێ وه‌زاره‌تی ناوخۆی حكومه‌تی هه‌رێمی كوردستان، سەرلەنوێ رێوشوێنەکانی بەرەنگاربوونەوەی کۆرۆنای توندکردەوە دوای ئەو هەڵكشانەی تووشبوون و مردنانەی هەولێر و دهۆک بەخۆیانەوە بینی و، ژمارەیەک بڕیاری نوێ دەرکران:
یه‌كه‌م: له‌ هه‌موو شوێنه‌ گشتییه‌كان هاووڵاتیان ده‌بێت به‌ ده‌مامكه‌وه‌ بچنه‌ ژووره‌وه‌.


دووه‌م: سه‌رجه‌م سه‌نته‌ر و نۆڕینگه‌ پزیشكییه‌كان بۆ ماوه‌ی 14 رۆژ داده‌خرێن.


سێیه‌م: شوێنه‌ گه‌شتیارییه‌كان و پارك و كافتریا و چایخانه‌كان داده‌خرێن.


چواره‌م: هۆڵه‌كانی وه‌رزش و مه‌له‌وانگه‌ و یانه‌كانی شه‌وانه‌ به‌ داخراوی ده‌مێننه‌وه‌.


پێنجه‌م: سه‌رجه‌م بۆنه‌ ئاینی و كۆمه‌ڵایه‌تییه‌كان قه‌ده‌غه‌ن.


شه‌شه‌م: خواردنگه‌كان ده‌بێت ته‌نیا به‌ دیلیڤه‌ری كار بكه‌ن.


حه‌وته‌م: هاتوچۆی نێوان پارێزگاكان و ئیداره‌كان راده‌گیرێت.


هه‌شته‌م: هاتوچۆی نێوان هه‌رێم و عێراق بۆ ماوه‌ی هه‌فته‌یه‌ك راده‌گیرێت، چەندان رێوشوێنی تر.
ئەوە لە کاتێکدایە کە ئەو رێوشوێنانە زۆر بەتوندی لە هەردوو پارێزگای هەولێر و دهۆک پیادە دەکرێت، بەڵام لە پارێزگاکانی سلێمانی و هەڵەبجە و هەردوو ئیدارەی راپەڕین و گەرمیان بەو شێوە توندە رێوشوێنەکان نەگیراونەتەبەر.
 


PM:06:48:04/08/2020








ئەستێرەکان

Spee Media