سەرۆکی دەستەی تەندروستی رۆژئاوای رایگەیاند" لە باکور و رۆژهەڵاتی سوریا ئەمڕۆ ٤ حاڵەتی نوێی تووشبوو بە کۆرۆنا تۆمار کران".
جوان مستەفا سەرۆکی دەستەی هاوبەشی تەندروستی بەڕێوەبەری خۆسەر رایگەیاند " سەرجەم ژمارەی تووشبوان بە کۆرۆنا گەیشتە ٥٤ تووشبوو".
ئەو بەرپرسەی تەندروستی رۆژئاوای کوردستان ئاشکرای کرد کە ٤ تووشبووەکەی ئەمڕۆ پێنج شەممە لەهەرێمی شەهبا بووە، ٢ نیان لە تەلرفعەت و، دانەیەک لە کفرنایا و چوارەمیش لە ئەحرەسە.
تووشبوانی سیانیان ژن و یەک پیاوە.
رۆژئاوای کوردستان هەرچەندە بەم دواییانە کۆرۆنای تیا دەرکەوت، بەڵام لە رۆژانی رابردوودا بەشێوەیەکی بەرچاو بەرزبوەوە.