لە جیهاندا تووشبووانی کۆرۆنا گەیشتە ٣٢ ملیۆن کەس، گیان لەدەستدانیش نزیکەی یەک ملیۆنە

‌
ئەمڕۆ پێنجشەممە ٢٤ی ئەیلول، ژمارەی توشبوانی ڤایرۆسی كۆرۆنا لەسەر ئاستی جیهان ٣٢ ملیۆن و ٩٧ هەزار كەسی تێپەڕاند و گیان لەدەستدانیش نزیکەی یەک ملیۆنە.


بەپێی ئاماری تووشبوانی کۆرۆنا کە ئاژانسی فرانس پریس بڵاویکردنەوە، تا بەیانی ئەمڕۆ پێنجشەممە لەسەرتاسەری جیهاندا، ژمارەی توشبوانی ڤایرۆسی كۆرۆنا گەیشتۆتە ٣٢ ملیۆن  و ٩٧ هەزار و ٣٤١ تووشبوو.


بەپێی ئەو زانیاریانە لەو ژمارەی توشبوانی، ٢٣ ملیۆن و ٦٨٠ هەزار و ١٥٣ كەس چاكبونەتەوە، لە ئێستادا ٧ ملیۆن و ٤٣٥ هەزار و ٢٢١ كەس هەڵگری ڤایرۆسەكەن كە ٦٢ هەزار و ٣٦٨ كەس تەندروستیان لە مەترسیدایە و لەژێر چاودێری چڕی پزیشكیدان.



لەسەر ئاستی جیهانیشدا، ٩٨١ هەزار و ٩٦٧ كەس بەهۆی ڤایرۆسی كۆرۆناوە گیانیان لەدەستداوە كە زۆرینەیان لە ئەمریكان كە ٢٠٦ هەزارو ٥٩٣ هاوڵاتین.
 


AM:08:45:24/09/2020








ئەستێرەکان

Spee Media