وەزارەتی ناوخۆی هەرێم: لە سنوری بەرتەلەوە هێرشکراوەتە سەر فڕۆکەخانەی هەولێر

‌
وەزارەتی ناوخۆی راگەیاندنێکی لەسەر هێرشەکەی سەر فڕۆکەخانەی هەولێر راگەیاندو دەڵێت". موشەکەکان لە سنووری (برگلە) لە نێوان گوندەکانی شیخ ئەمیر و تەرجلە لە سەر پیکابێک هاوێژراون. ئەم دەڤەرەش دەکەوێتە سنووری لیوای 30 حەشدی شەعبی".


ده‌قی راگه‌یه‌ندراوه‌كه‌


 کاتژمێر  8:30 ی ئەم ئێوارەیە، شەش موشەک بە ئاراستەی فڕۆکەخانەی نێودەوڵەتی هەولێر هاوێژران کە خۆشبەختانە هیچ ئامانجێکیان نەپێکاوە و هیچ زیانێکی لێ نەکەوتووەتەوە. موشەکەکان لە سنووری (برگلە) لە نێوان گوندەکانی شیخ ئەمیر و تەرجلە لە سەر پیکابێک هاوێژراون. ئەم دەڤەرەش دەکەوێتە سنووری لیوای 30 حەشدی شەعبی.  تیمە تایبەتەکانی ئێمە خەریکی لێکولینەوەی وردن بۆ بە دەستهێنانی زانیاری زیاتر.


لە کاتێکدا بە توندترین شێوە ئەم هێرشە تێرۆریستیە ترسنۆکانەیە ئیدانە دەکەین، لە هەمانکاتدا ئامادەیی تەواومان هەیە بۆ بەرپەچدانەوەی هەر دەستدرێژیەک. داواش لە حکومەتی فدرالی دەکەین دەست بە جێ  ئیجرائاتی پێویست وەربگرن.


وەزارەتی ناوخۆی هەرێمی کوردستان
 


PM:10:52:30/09/2020








ئەستێرەکان

Spee Media