وەزیری گواستنەوەی عێراق، ناسر حسین بەندەر شلبی رایگەیاند " گەشتە ئاسمانییەکانی نێوان عێراق و ئێران بەپێی پلانی گەشتەکان لە سبەینێوە دەستپێدەکاتەوە".
بەپێی راگەیاندنێکی وەزارەتی گواستنەوەی عێراق ئاشکرای دەکات کە سبەی دوو شەممە ١٢ ی تشرینی یەکەم گەشتە ئاسمانییەکانی نێوان هەردوو وڵات دەستپێدەکاتەوە.
وەزیری گواستنەوە باس لەوەش دەکات کە دەستپێکردنەوەی گەشتەکان دوای رەزامەندی دەسەڵاتدارێتی فڕۆکەوانی ئێران دێت، دوای ئەوەی ئەو گەشتانە لە ٢٩ ی ئەیلولەوە تا ٨ ی تشرینی یەکەم راوەستا.
لەمانگی رابردووشدا حکومەتی تورکیا بەهۆی هەڵکشانی کۆرۆناوە لە عێراق گەشتە ئاسمانییەکانی راگرت و، تا ئێستا ئەو گەشتانەی نێوان هەردوو وڵات نەکراوەتەوە.