بڕیارە سبەینێ چوارشەممە لیستی مووچەی سەرجەم وەزارەتەکانی حکومەتی هەرێمی کوردستان رابگەیەنرێت.
بەپێی زانیاریەکانی ماڵپەڕی "سپی"، سبەینێ چوارشەممە ١٤ی تشرینی یەکەم وەزارەتی دارایی و ئابووری حکومەتی هەرێمی کوردستان لیستی دابەشکردنی مووچەی سەرجەم فەرمانبەرانی هەرێم بڵاودەکاتەوە.
هەر بەپێی زانیارییەکان، رۆژی پێنجشەممە دەست بە دابەشکردنی مووچەی مانگی ئەیلولی فەرمانبەران دەکرێت و یەکەم وەزارەتیش کە مووچە وەردەگرێت وەزارەتی تەندروستییە.
پێشتر حکومەتی هەرێمی کوردستان بڕیاریدابوو بۆ ئەو سێ مانگەی بەپێی رێککەوتنی هەولێر و بەغدا ٣٢٠ ملیار بۆ هەرێمی کوردستان دێت، مووچە بە لێبڕینی ٢١% دابەش بکات، بەڵام بەپێی بڕیارێکی وەزارەتی دارایی هەرێم ئەم مانگە بە لێبڕینی ١٨% مووچەی مانگی ئەیلولی فەرمانبەران دابەشدەکرێت.