ئەمشەو فڕۆکە جەنگییەکانی دەوڵەتی تورکیا گوندەکانی سنوری قەزای زاخۆ سەر بە پارێزگای دهۆک بۆردوومان کرد. 

بەپێی زانیارییەکانی (سپی)، کاتژمێر ١٠:٣٥ خولەکی ئەمشەو شەممە جارێکی دیکە فڕۆکە جەنگییەکانی تورکیا بە چڕی گوندەکانی (پەرەخ و شیشێ و شەرانش)یان لە ناحیەی دەرکا سەر بە قەزای زاخۆ بە چڕی بۆردومانکرد. 

به‌هۆی بۆردومانه‌كه‌وه‌ ئاگر لە دارستان و پوش و پاوەنی دانیشتووانی ناوچەکە كه‌وتوه‌ته‌وه‌، به‌مه‌ش ترس و دڵه‌ڕاوكێی زۆری له‌ناو هاوڵاتیانی نیشته‌جێی ده‌وروبه‌ری زاخۆ دروستكردوه‌ و تا ئامادەکردنی ئەم هەواڵە بۆردومانەکە بەردەوامە.