ئەنجومەنی مامۆستایانی ناڕازی گەرمیان ڕایدەگەیەنن، ڕۆژی شەمە 24 / 10/ 2020 كاتژمێر 10 ی سەر لەبەیانی خۆپیشاندانی بەرفراوان لە پێش پەروەردەی كەلار ئەنجام دەدەن.
ئەنجومەنی مامۆستایانی ناڕازی گەرمیان لە ڕاگەیەنراوێكدا ڕایدەگەیەنن " زۆرینەی بەڕێوەبەرەكان و بەڕێوەبەری پەروەردەی گەرمیان و كەلار لە جیاتی داكۆكیكردن لە مافەكانی مامۆستایان، لەهەوڵی شكاندنی بایكۆتن لەژێر گوشاری حزبی و حكومیدا."
هەروەها هاتووە" ئێمە وەكو مامۆستایان جەخت دەكەینەوە لەسەر بایكۆتی هەموو جۆرێكی پڕۆسەی خوێندن و ناچینە ژێر باری هیچ گوشارێكی حزبی و حكومی تا جێبەجێكردنی داواكارییەكانمان".
ئەنجومەنی مامۆستایانی ناڕازی گەرمیان ڕاشیدەگەیەنن، ڕۆژی شەمە 24 / 10/ 2020 كاتژمێر 10 ی سەر لەبەیانی خۆپیشاندانی بەرفراوان ئەنجام دەدەین لەپێش پەروەردەی كەلار.